Демонштрація против чеському премьєрові Андрейові Бабішові, котра ся одбыла вчера на пражській Летенскій плані, привабила выше 250.000 людей. Справодайскы порталы iDNES.cz і Novinky.cz то увели на основі зрахуваня мобілного оператора T-Mobile. Выходить, же ішло о найвекшу демонштрацію в Празі од 1989-го року. Недільняйшов демонштраційов на Летенскій плані кулміновала в Чехії серія протестів за незалежність юстіції і ліпшу владу. Орґанізаторы із сполку Мілійон хвілек про демокрацію шак в часі мітінґу інформували, же дальшу демонштрацію на тім місці планують 16-го новембра, покы в наслідуючій день ся мать демонштруовати в „стовках селах“ по цілій Чехії.  (TASR, Пкф)