На пражскім Старомістьскім намістю в понедільок одбыла ся далша демонштрація проти выменованя Марії Бенешовой на посаду міністеркы справедливости. Інформовав о тім портал Novinky.cz. Демонштрацію за незалежность юстіції скликала ініціатіва Milion chvilek pro demokracii. Їй представителі припомянули, же поліція в половині апріля запропоновала оскаржыти чеського премєра Андрея Бабіша в повязаню з кавзов Čapí hnízdo. Такой нато оголосив конець в резорті справедливости Ян Кнєжінек і кінцьом місяця была выменована Бенешова, што орґанізаторы давають до можливого повязаня. Демонштранты бісідують о найвекшім засягу до юстічных властей од новембра 1989-го року і не хотять, жебы премєр обышов справедливый суд. Жадають демісію Бенешовой і ґаранції, же не дійде ку змінам на верьховных і найвысшій прокуратурі.

(Медвідь, TASR)