При стріляню, ку котрому дошло вчера в пражскій часті Страшніце, пришов о жывот єден чоловік. Винник ся наслідні забарікадовав в домі і подля вшыткого допустив ся самовбивства, інформувала о тім чеська поліція. Мотівом його атаку были як повідають сусідьскы конфлікты, увів справодайскый сервер Чеського розгласу. Припадом, котрого ближшы конкретности досліджувателі  затля неопубліковали, ся будуть дале заоберати кріміналісты з одділіня вбивства. (TASR, Pkf)