Ческый премєр Андрей Бабіш їднав у вівторок  вечур на реґулярній стрічі нас замку Ланох з презідентом Мілошом Земаном. В центрі са покы против Бабішові одбыва дальша великы демонштрація, котру зорґанізував сполок Міліон хвілек. Інформував о тім справодайскый сервер Novinky.cz. Бабіш по стрічі зо Земаном повів, же презідентові даровав Народный інвестичный план. Іде о список вецей як 20.000 інвестичных проєктів на далшы тридесятьріча. Обідвоє політиці окрім іншого рішыли і різны домашні і заграничны вопросы. Меджічасом ся на Вацлавскій площадкі о 18-ій годині зачала дальша демонштрація против Бабішові. По уводнім проґрамі ся потім пару тісяч притомных пересунуло перед уряд влады. За інформаціями говоркыні поліції на мітінґу, котрый ся скінчів коротко по 21-ій годині, нарахували коло 15.000 людей. (TASR, Pkf )