До Польщі прийшло через штатны границі з Україны од зачатку інвазії Росії на теріторію свого сусіда од 24-го фебруара уж скоро 6,29 міліона людей, ознамила то днесь рано на Twitteri польска Погранічна сторож  (SG). Інформувала о тім аґентура PAP. В Польщі є днесь леґалні заметнаных веце як 400.000 україньскых утеченців, увів вчера в дебаті про польску розгласову станіцю Radio Koszalin штатный секретарь польского міністерства внутра Павел Сзефернакер. Споминаный політик говорив і о приправованій новелі закона о войновых утеченцьох з Україны, котрый реґулує правила про україньскых воєньскых утеченців в Польщі вєдно леґалности їх перебываня, права на штудіюм і роботу, як і приступ к здравотній старостливості. (TASR, Pkf)