В Польщі в понедільок одбыв ся державный похорон 700 жертв Другой світовой войны, котрых остаткы нашли ся на севері країны. Погріб із воєньскыма честями проходив на цінтері в місті Хойниці, опередило го богослужіня в базиліці. Остаткы польскых цівілістів включно паціентів шпыталя ексгумовали в роках 2021 аж 2024 в двох різных областях недалеко міста Хойниці. Історіци зістили, же націсты часть цівілістів забили курто по нападі на Польщу 1-го септембра 1939-го року. Далшы остаткы походять із екзекуції, котра проходила в януарі 1945-го року, кедь націсты з области втікали. В Польщі почас войны вмерло 6 міліонів людей, з того 3 міліоны были Жыды.

(Медвідь, TASR)