Польска влада заводить наряджіня, котры спріснять заказ продая алкоголу особам молодшым як 18 років а закажуть продай алкоголу на бензинках в ночі. Подля аґентуры AP то у четверь увела міністерка здравотництва Ізабела Лесчінова, пише TASR. Новы наряджіня суть реакціёв на ростучу кількость справ о негодах і о інакшых інцідентах з участёв людей під впливом алкоголу. Продай алкоголу особам молодшым як 18 років є в Польщі законом заказаный. Продайцёве дотеперь мали право, але не повинность контролёвати в леґітімації вік купуючого. Подля нового наряджіня уж таку повинность мати будуть. Міністерка здравотництва в розговорї про пріватну станіцю Radio Zet доповнила, же наряджінём влады ся в часї од 22:00 г. до 06:00 г. закаже і продай алкоголу на бензинках. Теперь го там мож купити хоцьколи.

(TASR, Шутіова)