У французьскій метрополї Паріж ся в понедїлёк одбуде меджінародна стрїча в намазї принести рїшїня політічной патовой сітуації в Лібанонї. На згромаждїню мають брати участь представітелї Франції, Споєных штатів, Савдьской Арабії, Катару і Еґіпта, увела то у четверь говоркыня міністерства загранічных дїл Анна-Клер Лежондрова. Шефка французьской діпломації Кетрін Колонова ,, выразила барз важне знепокоїня над політічнов сітуаціёв в Лібанонї“, повіла говоркыня. Франція і реґіоналны партнеры враховано Савдьской Арабії подля говоркынї діскутують о средствах ,,як повзбудити лібаноньскых політіків, жебы перевзяли свою одповідность а підпорили путь вон з крізы“.

(TASR, Шутіова)