Французьскый презідент Емануел Макрон у четверь ознамив, же 27. марца ся в Паріжу одбуде далшый саміт о підпорї Україны. На стрїчі тзв. коаліції охотных подля нёго буде брати участь і україньскый презідент Володимир Зеленьскый. ,,Докончіме нашу роботу на короткодобій підпорї україньской армады, на обгаёбі утримательного моделу україньскых озброєных сил, котрый бы забранив російскій інвазії а на безпечностных ґаранціях, котры можуть додати европскы армады,“ повів новинарїм по скончіню саміту Европской рады в Бруселї. Очекує, же цїлый процес буде доконченый в найблизшых днях. Аґентура Bloomberg інформовала, же на надходячій стрїчї будуть брати участь не лем ведучі представітелї ключовых країн ЕУ враховано Нїмецька, Італії а Польщі, але і Канады а Великой Брітанії.

(TASR, Шутіова)