В найвекшім світовім приставі в Дубаю выбухла в ночі зо вчера на днесь контайнерова лодь. Ехплозіа отрясла вышковыма будовами і окнами в місті аж до оддалености 25 кілометрів од приставу Єбел Алі Порт, інформувала аґентура AP. Затля не суть голошены ниякы смертельны пригоды. Розсяг матерялного пошкоджіня в приставі і на транспортованім товарі затля не є знамый. Снімкы зо соціалных медій захоплюють обгорены контайнеры, попіл і троскы. Подля аґентуры AP є высоко правдеподобне, же на інтензіті ехплозії ся підписали і высокогорлявы матерялы. Пристав Єбел Алі Порт в северній часті Дубая є найвекшым умело вытвореным, глыбоководным приставом на світі і служыть як важный ґлобалный узол про зону вольного обходу про накладны лоді з Індії, Африкы і Азії. (TASR, Pkf)