Мадярьско ся выдало дорогов, котру сі само выбрало, підкреслив то в неділю в Будапешті председа владной партії Фідес і председа мадярьской влады Віктор Орбан по перемогі в мадярьскых парламентых вольбах. Орбан перед волебнов централов Фідесу в пештянскім мултіфункчнім комплексі Бална высловив вдяку особливо заграничным Мадярям, котры „помогли охоронити родну отчізну“. По зрахувані скоро 75 процентів голосів вів єй блок з Крестянскодемократичнов народнов партійов з прибытком 49,25 процентів, выпливать то з офіціалных выслідків опублікованых волебнов комісіов. Як ся даный выслідок подтвердить, владнучій блок Фідесу бы собі з прибытком 134 крісел утримав двойтретинову бівшість в 199-членнім парламенті.
(TASR)