По вчерайшых 5323 сітуацій інфікацій новым сортом коронавірусу в Мадярьску днесь тесты одгалили уж 10.265 інфікованых. У звязку зо захворіньом COVID-19 вмерло за послідній день 178 пацєнтів, выходить з дани операчного штабу опублікованых  днесь на  інтернетовій сторинці koronavirus.gov.hu. Подобный денный прибыток зазначіли в даній країні послідній раз 21-го марця, кедь потвердили інфекцію 11.265 людьом, втогды але вмерло 275 хворых. Цілкове чісло потвердженых сітуацій інфікації в рамках коронавірусовой пандемії ся звышыло на 976.432 і чісло жертв ковіду ся звышыло на 32.514. Чісло заочкованых вакцінов протів ковіду уж перевышыло шість міліонів, скоро 5,8 міліона людей достало дві давкы і выше 1,6 міліона і третю давку очковацой латкы. (TASR, Pkf)