В суботу, 3-го юла 2021-го року, в Ліґниці одбыв ся ІХ. конґрес Стоваришыня Лемків. Іде о довгоочекованый конґрес, кедьже мав ся одбыти уж на скору ярь, але з причіны пандемічных наряджінь подарило ся го зорґанізовати аж теперь. Конґрес як найвысшый орґан Ставаришыня Лемків (СЛ) рішыв окрім іншого вольбы председы, котрым зістав Андрій Копча, і вольбы новых членів презідії і головной ревізной комісії СЛ. Андрій Копча, котрый знова потвердив ся у функції председы, быв єдиным кандідатом на тоту посаду. Стоваришыня Лемків є основаючім членом Світового конґресу Русинів. (Жрідло фотоґрафії: лем.фм) (лем.фм, Pkf)