Штырнадцить поліцайтів ся поранило при вчерайшій зражкі с демонштрантами перед українскым парламентом в Києві. Інформувала о тім тамтешня поліція. На основі аґентуры Укрінформ демонштранты принесли к будинку парламенту пневматікы і хотіли їх підпалити. Поліцайты їм в тім заборонили. Демонштранты наслідні зачали на поліцайтів метати каміня і Молотововы коктейлы. Поліція затримала 9 людей. На основі начелника київского одділіня штатной поліції Андрія Кріщенка насилности перед парламентом немають ніч сполочне с політичнов конфронтаційов. Была то „добрі напланована акція“, додав без поясніня.
(TASR)