Естоньскый парламент в середу схвалив пропозіцію закона на посилнїня наморной обраны державы. Подля нёго буде мочі естоньска армада поужытл силу проти будьякій шыфі, котра зауточіть на важны наморны обєкты ці інфраштруктуру. Іде о реакцію на минулорочный інцідент, кедь дошло ку пошкоджіню електрічного веджіня Estlink 2 меджі Фіньском і Естоніёв а знищіню дакількых телекомунікачных каблів на днї Балтьского моря. Вышетрёвателї нарабляють з підозрінём, же пошкоджіня запрічінила котва ропного танкера Eagle S, котру тягав десяткы кілометрів по днї. Є частёв тзв. російской тїнёвой флотілы а Москва вжывать тоты шыфы часто в злім технічнім ставі на обходжаня санкцій уваленых за інвазію на Україну, наприклад при вывозі ропы. Пропозіцію іщі мусить підписати презідент, жебы надобыла платность.

(TASR, Шутіова)