Трьох ортодоксных рабінів высвятили в німецькій метрополі Берліні по першый раз од 30. років 20. сторічя, кедь в країні зобрали владу до рук фашісты. Акція ся одбыла в сінаґоґі Бетг Зіон в берлінскій часті Prenzlauer Berg, інформує о тім аґентура ДПА. Як выголосив на марґо высвяцькы рабинів німецькый міністер заграничных справ Heiko Maas, „Факт, же Берлін – місто, де ся зродили планы на депортацію і вбивство Жыдів, є знова домовинов найвекшой жыдовской комуніты в Німецьку, представує про нас дар, котрый собі ани незаслужыме.“