Австрійскы людовці, соціалны демократы і ліберална партія NEOS почнуть офіціалны переговоры о зоставліню коалічной влады. По далшім колі сондажных переговорів із шефом соціалных демократів Андреасом Баблером а предсидательков NEOS Беатов Майнловов-Райсінґеровов то в понедільок оголослив лідер людовців і канцеларь Карл Негаммер. Негаммер підкреслив, же ціль, значіть створіня влады, іщі не подарило ся досягнути і резултат переговорів зістає одкрытым, но зачне ся діскутовати о конкретных темах. То першый раз од 1945-го року, што коалічны переговоры в Австрії будуть в трилатералнім форматі. Людовці і соціалны демократы бы мали в Народній раді векшыну, но лем в подобі єдного мандату. Вольбы в Австрії в септембрі выграла крайно правіцьова Слободна партія Австрії, но з ньов нихто не хоче іти до влады.

(Медвідь, TASR)