Новозволена долна комора чеського парламенту засідала вчера по першый раз од октобровых волеб, інформував о тім справодайскый сервер iDNES.cz. Рух ANO планує запропонувати на місце председу Посланецкой палаты віцепремєра Карла Гавлічка, авізовала міністерка фінанцій Алена Схіллерова. Председове коаліції  Spolu (ODS, KDÚ-ČSL a TOP 09) і PirSTAN вчера підписали коалічный договор, на основі котрого вытворять нову влады ЧР. Вісемнадцятьчленный кабінет бы мав вести лідер ODS Петер Фіала. Коаліція Spolu мать мати в новій владі 11 кресел, PirSTAN знову сім. Презідент Мілош Земан уж минулый тыждень авізовав, же небуде мати проблем прызначіти Фіалу за нового председу. (TASR, Pkf)