Співпрацовник російского опозічного вождя Алексея Навального в понедільок вызвав Росіянів, жебы в неділю в уліцях зорґанізовали далшы протесты. На суботняйшых протестах за пропущіня Навального, котры проходили по цілій Росії, брали участь десяткы тісяч людей, інформує аґентура AFP. Коордінатор сіті реґіоналных штабів Алексея Навального Леонід Волков вызвав на сіті Twitter, жебы гражданы вышли до уліць і 31-го януара а протестовали „за слободу про вшыткых і за справедливость.“ В суботу были протесты в десятках міст, поліція затримала понад 3700 людей.

(Медвідь, TASR)