Найменше сім чоловіків загынуло і дальшых 132 было поранено, кідь настали в суботу два выбухы на бензіновій станіцї в Аккрі, в головнім місті западоафрицкой Ґганы. Говорця гасічской службы Біл Анаґлатій днес увів, же бівша часть пораненых утерпіла попаленины. На основі говорцю влады Мустафа Гаміда є в шпиталі іші фурт 68 чоловіків, котрых лічать. Бензінову станіцю на важній крижовкі соботняйшы выбухы цілком зничіли. В року 2015 загынуло при пожарі на бензіновій станіці в Аккрі коло 150 чоловіків.
(Петро Кімак-Фейко)