Серьбскый презідент Александер Вучіч вызвав у вівторок владу, абы указала ‟політичну одповідность‟ у звязку з недавном траґедійов на желізнічній станіці в місті Новый Сад, при котрій вмерло 14 людей, інформує о тім аґентура AFP. Вучіч ся так высловив, на окрай конференції OSN о зміні клімы (COP29) в азербайджанскій метрополі Баку, і то лем пару годин по тім, як ся в серьбскім главнім місті Белеград в понедільок вечур зачали зґруповати тісячі демонштрантів пожадуючіх у звязку з траґедійов одступліня ныйвысшых владных діятелів. (TASR, Pkf)