Турецькый парламентный выбор про заграничны справы буде о ратіфікації вступу Швеції до Североатлантічной аліянції (NATO) їднати в рамках свойой рядовой аґенды. Подля председы выбору тота справа не є  про Турцію згодно  акутнов як про іншы країны. Інформувала о тім аґентура Reuters. Вступ нового члена до NATO собі выжадує згоду вшыткых 31 членьскых країн. Покы го нератіфіковали лем Турція і Мадярьско.  Швеція вєдно зо сусідньов Фінландійов ся вздало свойой довгочасовой неутраліты по аґресівнім атаку Росії проти Україні в минулім року у фебруарі. Обідві країны потім пожадали о вступ до NATO. Фінландія до Североатлантічной аліянції вступила зачатком апріля того рока і стала ся єй 31-шов членьсков країнов. (TASR, Pkf)