Вождь терорістічной сіті ал-Каіда Айман Завагрі вмер при атаці дроном, котру через вікенд в Афґаністані зреалізовала америцька Централна інформачна аґентура (CIA). Інформацію принесла в понедільок аґентура Reuters, подля котрой іде о найвекшу атаку на тоту мілітантну ґрупу од забитя основателя Усамы бін Ладіна у 2011-ім році. Аґентура цітовала неменованы джерела, подля котрых пришов Завагрі о жытя при атаці дроном в афґаньскій столиці Кабул іщі в неділю. Говорця афґаньского радікалного руху Талібан Забігуллаг Муджагід потвердив, же атака одбыла ся. Єдночасно єй остро одсудив і означів за порушіня „меджінародных прінціпів“. Забитя вождя ал-Каіда в ночі на днесь потвердив і америцькый презідент Джов Байден.

(Медвідь, TASR)