Російскый презідент Владімір Путін планує в найближшых дньох драгу до Таджікістану і Туркменії. Пунктуалны датумы навщівы покы не суть знамы, інформувала о тім аґенута DPA. DPA позначіла, же про Путіна то буде перша драга до загранича од зачатку фебруара, кедь брав участь на отворіню зимных олімпійскых гер в Пекінґу. Російска штатна телевізія в неділю інформувала, же Путін насамый перед полетить до Таджікістану, котрый є воєньскым союзником Росії, і абсолвує там їднаня з презідентом Емомалім Рахмоном. Потім піде до Туркменії, де буде брати участь на тзв. каспіцкім сумміті. До “каспіцькой пяткы“ патрять Росія, Азербайджан, Казахстан, Іран і Туркменія. Споминаный сумміт є наплануваный на середу, увів подля пресаґентуры TASS говорця Дмітрій Песков. (TASR, Pkf)