Російскый презідент Владімір Путін критизував вердікт влады Споєных штатів америцькых з признаня Єрусалима за головне місто Ізраїля і варовав, же то може дестабілізувати реґіон і скінчити близьковыходный міровый процес. Путін, котрый є на нащтіві Анкары увів, же крок адміністратівы презідента Доналда Трампа “непомагать близьковыходній догоді, але якраз наопак, дестабілізує уж тяжку сітуацію в реґіоні“. Як далі увів, статус Єрусалима може быти вырішеный лем посередництвом діалоґу меджі Палестинчанами і Ізраїльом а то у звязку із резолюціями Орґанізації Споєных народів. (ТАSR)