Нову барєру про такзваный твердый брехіт добили вчера в брітьскім парламенті посланці, котры небыли згодны з тым, абы Брітанія лишала Европску унію (ЕУ) без договору о будучіх односинах з Унійов. Выслідок голосуваня є браный як дальше переможіня кабінету брітьской премьєркы Терезы Мейовой. Інформувала о тім аґентура Ройтерс. Даный додаток розрахункового закона дать можность парламенту, абы владі заказала выділити средства на спущіня опатріня повязаных з практічнов приправов на выступліня Брітанії з ЕУ без договору. В прахі то значіть, же влада конзерватівців буде на опущіня ЕУ без догоды потребувати одобріня парламенту, інакше будуть зужены дакторы єй компетенції в даньовых вопросах.
(TASR)
Foto: TASR/AP