Атакуючій з міста Цетінє в Чорній Горі, котрий в середу вбив найменше 10 людей, застрілив ся. Інформує о тім днесь тамтешня поліція, увела аґентура AFP.  Поліція пізніше доповнила, же атакуючій є 45-річный Ацо Мартіновіч. Поліцайный шеф Лазар Щепановіч повів, же поліція атакуючого дослідила, обключіла  і, кідь му приказала, жебы положыв зброю, застрілив ся до головы. Станіця BBC увела, же до стріляня в барі дошло по конфлікті з навщівниками. Стріляня в барі собі выжадало четверо мерьтвых. Як пише Reuters, стрілець ся наслідно пересунув на дальшы три місця, де забив дальшых  шість людей. Меджі жертвами суть і дві діти у віці 10 і 13 років. Влада в Чорній Горі од днешнього дня выголосила трьойдньовый штатный смуток. (TASR, Pkf)