У четверь ся з ініціатівы одборовых централ до французькых уліць выбрали десятьтісячі людей, котры демонштровали проти планованым реформам презідента Еммануела Макрона. Протесты способили проблемы в железнічнім і летецькім транспортї, бо до протестів ся запоїло подля прессаґентуры DPA 35% працовників штатной железнічной сполочности і часть діспечерів летового провозу. Было зрушеных коло 25% вшыткых летів сполочности Air France. І на днесь летецька компанія у звязї зо штрайком рахує із зрушінём четвертины летів. У верейных службах є прічінов неспокійности мімо іншого і замірь влады зрушыти в слїдуючіх роках 120 тісяч робочіх місц.
(TASR)