Великобрітанія мусить вырівнати свої фінанчны обовязкы односно Европской унії і в припаді брекстіу без договору, інформовала Европска комісія. Унія очекує, же Лондон буде чути вшыткы свої обовязкы, котры выникли почас його членства. Премєр Великобрітанії Борис Джонсон в неділю повів, же покля Великобрітанія одыйде з Унії без договору, з правного погляду не буде довговати понад 43 міліард евр, як ся з Бруселом договорила його попередничка Тереса Мейова. Брітаньскый премєр приобіцяв, же Великобрітанія одыйде з Европской унії з або без договору 31-го октобра.

(Медвідь, TASR)