Брітьска влада зверейнила пропозіцію способу выступіня Анґлії з ЕУ, котру означує за прцінціпіалну, праґматічну і амбіціозну. Йде о пропозіцію, наслїдком якой уже одступили двоме міністры а правдоподобно выкличе одпор і в ЕУ. Довго очекованый документ рахує з тым, же Споєне кралёвство буде і по выступіню з ЕУ творити з остатком блоку зону вольного обходу. Мала бы ся дотуляти товару, не служеб, котры представлюють переважну часть брітьской економікы. На протест проти тому плану ся своїх функцій вздали міністер загранічных дїл Боріс Джонсон, міністер про вопросы брексіту Дейвід Дейвіс і двоме штатны таёмници ёго міністерства. У звязї з брексітом Паріж очекує, же ся в метрополї Франції вытворить коло 3500 новых робочіх міст во фінанчнім і банковім секторї, бо великы бакны пересувають свої превадзкы на контінент. Окрем того бы трансферы фінанчных інштітуцій могли Паріжу принести і далшых 20 000 непрямых робочіх позіцій.
(TASR)