Конференція председів Европского парламенту (ЕП) ся днесь заоберать мадярьскым премєрьом Віктором Орбаном. Діскусія ся дотулять його недавных навщів в Москві і Пекінґу. На конференції зважують і выводжіня наслідків проти Орбанові і мадярьскому председницьтву в Раді ЕУ. Пресаґентура TASR о тім інформує на основі здобытых інформацій з порталу  Euractiv. Орбановы стрічі з презідентами Росії і Китая прияли представителі ЕУ і многых членьскых штатів крітично. (TASR, Pkf)