Ватікан і цілый світ ся днесь розлучіли з емерітным папом Бенедіктом XVI. Труну з його остатками рано перенесли з ватоканьской базілікы на Намістя св. Петра. Емерітный папа вмер в суботу 31-го децембра у віці 95 років. Труну з тілом емерітного папы Бенедікта XVI. однесли по скінчіню днешньой  погрібной омшы з намістя святого Петра у Ватікані до ватіканской базілікы, де быв наслідні похованый. Тілесны остаткы емерітного папы были уложены до колышньой гробкы його передходцю Яна Павла ІІ. підземї базілікы (TASR, Pkf).