Европска унія одложыла заведжіня новой біометрічной сістемы путовных контроль про обчанів третїх країн вступуючіх до шенґеньского простору. Первістно мала быти заведжена 10. новембра. Членьскы штаты Нїмецько, Франція і Голандія выголосили, же потребны ІТ сістемы іщі не суть приготовлены. У четверь о тім інформовала еврокомісарька про внутрїшнї залежности Ілва Джонсонова. ,,Датум 10. новембра уж не є на столї,” выголосила. Увела, же заты не быв становленый новый гармоноґрам. ЕК подля нєй бадать можности поступного заведжіня сістемы.

(TASR, Шутіова)