Білорусь в понедільок інформовала, же на свої граніці з Українов послала воєньскый літак, силы противоздушной обороны і далшу зброю. Презідент Александер Лукашенко лем день перед тым выголосив, же в пригранічнім реґіоні насадив майже третину озброєных сил країны, інформує аґентура Reuters. Дакілько днів по несподіваній україньскій офензіві на теріторію Росії Лукашенко – лоялный союзник презідента Владиміра Путіна, обвинив Київ із аґресівной політікы а з того, же на граніці з Білорусьов насадив 120 тісяч вояків. Україна інформовала, же не збачіла звекшіня чісла білоруськых вояків на граніцях, і высловы Лукашенка означіла за „реторіку“ заміряну на успокоїня Путіна, котрый Білорусь схосновав при своїй інвазії на Україну у фебруарі 2022-го року.

(Медвідь, TASR)