Силна буря з градом, котра засягла в ночі зо середы на четверь ґрецькый півостров Халкідікі, была курта, але стигла приправити о жывот сім людей і зранити найменше 60 особ. О новій біланції інформовала у четверь аґентура DPA з одкликанём ся на містны уряды. Шість потвердженых жертв враховано двох дїтей были загранічны турісты з Румунії, Чехії і Росії. Пресовый одбор Міністерства загранічных дїл і европскых належностей СР про TASR увів, же меджі жертвами і зраненыма не суть жытелї Словеньска.
Буря, котра засягла Халкідікі, выходно од міста Солун, перевертала авта і моторкы, вывертала стромы і з балконів сторговала огороды. Подля свідків буря бухла нараз і прудко а перешла барз скоро. В дослїдку великых матеріалных шкод влада выголосила в постигнутій области в севернім реґіоні Ґрецька став нудзі. 

( Шутіова,TASR)