Америцькый презідент Доналд Трамп інформував о своїм замірї номінувати до функції амбасадора США на Словакії Бріґіт А. Брінкову зо штату Мічіґен. Вєдно з ньов Трамп запропонує на ключовы позиції свойой адміністратівы і дальшых  єднотливців. Інформував о тім Білый дом. Брінкова є высокопоставена і впливна діпломатка, в минулості робила як заступкыня штатного секретаря про вопросы Европы і Евразії на америцькім міністерстві заграничных справ. В часі 20 річной роботы в заграничных службах приближыла політику США  в Европі і Евразії – была зыступкыньов амбасадора в ґрузінскім Тбілісі і в Ташкенті в Узбекістані. Номінацію презідента одобрює Сенат, горна комора америцького Конґресу. Брінкова в припаді одобріня вычерять амбасадора Адама Стерлінґа, котрый є амбасадором у нас од 2016-го року. (TASR, Pkf)