Брітаньска влада повно підтримує пропозіцію премєркы Терезы Мейовой односно одходу державы із Европской унії, інформовала о тім станіця BBC. Премєрка ся тримать свойой пропозіції знамой як план із Чекерс і наперек крітіці із боку лідрів держав Унії. Тоты у четверь на саміті в Салзбурзі не схвалили зону вольного бізнісу і приятя єднотных правил при выміні дакотрых сорт товарів, што суть ключовы пункты Мейовой плану. Мейова їх обвинила, же не проявлюють достаточный решпект і не суть способны прийти із алтернатівнов пропозіційов, котра бы мінімалізовала неґатівны наслідкы на взаємны бізнісовы односины. Уряд брітаньской влады в понедільковім выголошіню убезпечів, же членове кабінету підтримують премєркын брексітовый план.
(TASR, Медвідь)