Британьскый премєр Боріс Йогнсон вчера ознамив, же Споєне кральовство дарує біднішым країнам веце як 100 міліонів давок надбіточных вакцін протів захворіню COVID-19. Інформувала  о тім на своїй інтернетовій сторинці станіця BBC. Британія подля Йогнсона вакціны дарує  в часі того і наслідуючого календарного рока. Першых 5 міліонів давок дасть до кінця септембра і дальшых 25 міліонів до кінця того рока. Решту в наслідуючім року. (TASR, Pkf)