Посланці Долной снімовні британьского парламенту одобрили вчера вечур владну пропозицію на основі котрой 29. марца неодыйде з Европской унії (EÚ) без догоды. Уж передтым шак снімовня одобрила позмінюючу посланецьку пропозицію за котров к твердому брехіту неприйде за ниякых обставин. За позмінюючу владну пропозицію голосувало 321 посланців, против было 278. Днесь будуть посланці Долной снімовні голосувати о одкладі брехіту до 30. юна. Мейова по скінченю голосуваня в посланецькій снімовні повіла, же „Британія EÚ незохабить без догоды, як з ньов нияку  догоду непідпише“. (TASR, Pkf)