Шеф діпломації Европской унії Жосеп Боррел наперек засягам проти демонштрантів далше планує у четверь прийти до Росії і хоче навщівити вязненого опозічного лідра Алексея Навального. Подля аґентуры AFP то повів у понедільок говорця Европской комісії Петер Стано. Борреллова навщіва буде проходити два дні по тім, як суд зачне рішыти о тім, ці условна кара трьох років і шестьох місяців арешту, котру Навальный дістав в році 2014 в кавзі Yves Rocher, змінить ся на безусловну. Стано в повязаню з навщівов потвердив, же планы „цілый час платять“, і наперек тому, же дакотры членьскы державы Унії вызвали на зрушіня навщівы.

(Медвідь, TASR)