Америцькый міністер загранічных діл Антоні Блінкен в понедільок в Лондоні одкрыв першу презенчно проходячу стрічу шефів діпломацій ґрупы G7 по двох роках. У своїм приговорі окрім іншого представив приступ влады презідента Джоа Байдена ку Северній Кореї, што уж меджічасом Пхонъян одсудив. Саміт шефів діпломацій найбогатшых країн має за ціль діскусію о вызвах по переконаню коронавірусовой крізы і приготовліня саміту G7, котрый буде проходити в юні на югозападі Анґлії.

(Медвідь, TASR)