Белґіцькый премєр Charles Michel інформував вчера парламент о своїй резіґнації. Michelova середньоправіцова влада была початком децембра пару днів на покраю паду, наконець шак вырішыла продовжувати без Новой фламской аліянції, котрой председа выголосив, же неможе быти згодный з підписанням міґрачного пакту в мароцкім Маракеші. Посланці шак Michela пожадали, абы дав голосувати о довірї меншиновій владі, што премєр одмітнув. В неділю ся в белґіцкій метрополі Брусел одбыв „Мітінґ против Маракешу“, на котрім за інформаціями поліції брало участь коло 5500 людей. Поліція засягла слызотворным пліном і водным автом против насильно протестуючім і затримала найменше 90 людей. Участниці вызывали окрім іншого владу на запертя границь і одступліня белґіцького премєра.
(TASR)
Фото: TASR/AP