Америцькый презідент Джов Байден у четверь увів, же ся тїшыть на сполупрацу зо староновым ізраельскым премєром Беняміном Нетанягуом, котрого означів за свого довгорічного ,,приятеля“. Вошінґтон але буде выступовати проти будьякым крокам огрожуючім такзване двойштатне рїшіня ізраельско-палестіньского конфлікту, підчеркнув Байден, інформує о тім TASR подля справы аґентуры AFP. Нетанягу ся у четверь по року а пів вернув ку моци, кедь парламент высловив довіру ёго новій коалічній владї.

(TASR, Шутіова)