Америцькый презідент Джов Байден прияв у понедільок в Білім домі чеського премєра Петра Фіалу. Тот собі навщіву пояснює як доказ вынятковых чесько-америцькых односин. Політіци мали бісідовати о войні на Україні ці напругах на Близкім выході, інформує аґентура TASR. Чеськый премєр перед одходом до Споєных штатів авізовав, же з їх представителями хоче бісідовати о далшій воєньскій підпорі про Україну, без котрой бы подля нього было про Київ тяжке, покля не неможливе, заставити російску аґресію. Додав, же буде мати намагу пересвідчіти америцькых приятелів, же тота поміч є абсолутно потрібна.

(Медвідь, TASR)