Америцькый презідент Джоу Байден в середу нарядив справодайскым службам США перешетрити походжіня нового тіпу коронавірусу. Занимати ся мають і можливостёв, же вірус уникнув з кітайской лабораторії. Байден тыж вызван Кітай, жебы при вышетрёваня сполупрацовав, інформовали аґентуры AFP i AP. Байден у выголошіню уводить, же справодайскы службы в сучасности роздумують над двома можливыма здроями вірусу, але ,, не єствує достаток інформацій, жебы могли вырїшити, котра з них є правдеподобнїша”. Подля Байдена ся дві з цїлково 18 справодайскых аґентур прикланяють ку теорії о переносі зо звірятя а єдна ку теорії о унику з лабораторії.

(TASR, Шутіова)