Новозволеный презідент Споєных штатів Джов Байден, котрый ся хопить уряду в януарі слідуючого року, дістав у понедільок позваня на саміт НАТО, котрый бы ся мав одбыти в Бруселі в першій половині 2021-го року. Запрошіня будучому шефови Білого дому адресовав ґенералный секретарь Североатлантічной аліанції Єнс Столтенберґ в рамках пресконференції заміряной на проґрам дводньового засіданя міністрів обороны членьскых держав аліанції, котре проходить в днях 1-го і 2-го децембра. На саміті, де дістав Байден запрошіня, бы ся мало бісідовати і о приспособльованю НАТО новому безпечностному оточіню ці роснутю воєньской силы Росїії.

(Медвідь, TASR)