Німецька міністерка загранічных діл Анналена Баербокова в понедільок в Гелсінках высловила підпору намагам Фінландії і Швеції о вступ до НАТО. Їх членство за їй словами Аліанцію укріпить, пише аґентура DPA. Шефка німецькой діпломації знова потвердила, же про Аліанцію є збогачіньом, же хотять тоты дві країны вступити до НАТО. Аліанція тым за їй словами здобуде цінных новых членів, з котрыма уж теперь тісно співпрацує. Повіла то по стрічі з фіньскым колеґом Пекком Гаавістом. Баербокова вчера пришла на дводенну навщіву северной Европы, днесь є на навщіві Штокголму.

(Медвідь, TASR)