Бабіш: Патріоты будуть в ЕП ключовым грачом
Нова фракція в Европскім парламенті – Патріоты про Европу, буде ключовым грачом і їй членове суть приготoвлены фундаментално брати участь на вырішованю о Европскій унії. В понедільок то по установліню фракції повів председа чеського опозічного руху ANO Андрей Бабіш. В новій фракції, котру минувшый тыждень оголосив Бабіш вєдно з мадярьскым премєром Віктором Орбаном, буде 84 членів із 12-ох країн. По людовцях і соціалістах стали Патріоты про Европу третьов найвекшов фракційов. Вынкнутя фракції єдночасно значіть заникнутя правіцьовой ґрупы Ідентіта і демокрація, котра дотеперь была в европарламенті шестов найвекшов ґрупов. З той фракції ку патріотам перешло 30 французькых евродепутатів Народного здружіня і вісем членів італійской партії Ліґа, котру веде Маттео Салвіні. Тоты дві політічны силы были мотором фракції Ідентіта і демокрація.
(Медвідь, TASR)
-
Назад / Nazad Орбан: Китай є ключовым при вытворіню условій про мір на Україні
-
Далше / Dalše Стармер приобіцяв выліпшыти побрексітовый договор