Актуалні є єдиным варіянтом на зоставліня ческой влады комбінація АНО с Ческов соціалнодемократічнов партійов і підпоров Комуністичной партії Чехії і Моравы. Выголосив то ческый премєр в демісії і лідер руху АНО Андрей Бабіш вчера по рокованю с Ческов соціалнодемократічнов партійов. Одночасно додав, же його номінація на премєра платить „аж до смерти“, пише сервер Новинкы. цз. Моменталні нияка інша можность як влада АНО, Ческа соціалнодемократічна партія і Комуністична партія Чех і Моравы за сучасной конштеляції і приступу звышніх партій на основі Бабіша неіснує. „Так, то є тен варіянт, котрый є правдеподобный. Як звышні партії незмінять погляд на толеранцію Комуністичной партії Чех і Моравы, так тото є на столі. Проґрамово суть собі Ческа соціалнодемократічна партія і Комуністична партія Чех і Моравы близькы“.
(TASR)