Стовкы поліцайтів в Бруселі вчера на протест против робочім условіям вырозуміли, же суть роботонеспособны. В місті де мать резіденцію Европска унія і в метрополі Белґії ся так стало якраз в день, кідь ся там зачав двойдньовый саміт Унії. Причинов неспокійности поліцайтів є пензійна реформа, предписы дотуляючі ся плаченого вольна, як і вычерьпаність повязана з недостаточным чіслом поліцайтів в єднотливых єй частях. В протестній акції брало участь за офіціалныма джерелами коло пятина з цілкового чісла 2600 бруселскых поліцайтів.
(TASR)